Í október verður opnað fyrir umsóknir í Uppbyggingasjóð Vesturlands en sjóðurinn styrkir menningar-, atvinnu- og nýsköpunarverkefni á Vesturlandi.
Uppbyggingarsjóðurinn er samkeppnissjóður. Auglýst verður opinberlega eftir umsóknum og eru þær metnar út frá þeim markmiðum og áherslum sem koma fram í samningi um Sóknaráætlun Vesturlands 2020-2024 og þeim áherslum sem eru í verklags- og úthlutunarreglum sjóðsins.
Nánari upplýsingar, eyðublöð, úthlutunarreglur og yfirlit yfir fyrri styrkhafa má nálgast á vefsíðu Samtaka sveitarfélaga á Vesturlandi.
Atvinnuráðgjafar og verkefnastjóri menningarmála hjá SSV eru til taks fyrir umsækjendur og má nálgast tengiliða upplýsingar hér á síðunni.
