Rannís hefur opnað fyrir umsóknir í Tónlistarsjóð og rennur umsóknarfrestur út 1. nóvember næstkomandi kl 15:00.
Sjóðurinn er ætlaður tónlistarfólki, hljómsveitum, kórum og öðrum sem koma að tónlistarflutningi.
Sjóðurinn skiptist í tvær deildir, tónlistardeild og markaðs- og kynningardeild. Tónlistardeild veitir styrki til almennrar tónlistarstarfsemi, en markaðs- og kynningardeild veitir styrki til kynningar og markaðssetningar á tónlist og tónlistarfólki hér á landi og erlendis.
Vestlenskir umsækjendur geta leitað ráðgjafar vegna umsókna hjá menningarfulltrúa Vesturlands, Sigursteini Sigurðssyni. Nánari upplýsingar um þá þjónustu má nálgast hér.
