Seinni lota Vesturbrúar farin af stað

Seinni lotan í Vesturbrú fer af stað með krafti og mikill fróðleikur verið lagður inn hjá teymunum okkar.

Lotan hófst með ráðgjafafundum þar sem teymin gátu sótt í viskubrunn atvinnuráðgja SSV, þær Helgu og Hrafnhildi, ásamt Svövu í RATA og Thelmu hjá Nývest.

Fimmtudaginn 11. janúar var svo staðarlota í Sjóminjasafninu á Hellissandi. Dagurinn hófst á umræðum um fjárfesta og tækifæri til þátttöku í frumkvöðlakeppnum. Sem fyrr var það Svava okkar sem leiddi umræður og svaraði spurningum. Meðal þeirra góðu verkfæra sem teymin fá í Vesturbrú er gerð viðskiptaáætlunnar en það er lifandi plagg sem teymin geta nýtt sér í eigin rekstri.

Fyrir hádegi fór Thelma hjá Nývest yfir ýmsa þætti sem skipta máli í markaðssetningu, vefsíðugerð og notkun samfélagsmiðla. Markaðsmálin geta oft verið rekstraraðilum mikill frumskógur og fyrirlestur sem þessi því góð viðbót í verkfærakistuna.

Eftir hádegisverð í nýju þjóðgarðsmiðstöðinni komu í heimsókn frábærir mentorar. Notast var við nokkurs konar hraðstefnumóta fyrirkomulag þar sem hvert teymi fékk sinn tíma í ráðgefandi spjalli við mentorana.

Mentorarnir sem voru með okkur að þessu sinni voru eftirfarandi:

Ragnheiður Þórarinsdóttir rektor Landbúnaðarháskólans á Hvanneyri

Gyða Steinsdóttir viðskiptafræðingur hjá KPMG

Gunnar Ólafsson eigandi Algó

Anna Ólöf Kristjánsdóttir sem er einn stofnenda Ísea

Ólafur Sveinsson atvinnuráðgjafi SSV

Við þökkum þeim kærlega fyrir að taka þátt og miðla dýrmætri reynslu sinni.

Á næstu vikum mun seinni lotan halda áfram en henni lýkur með lokaviðburði í Hjálmakletti, Borgarnesi, þann 1. febrúar næstkomandi.

Nýsköpunarnet Vesturlands

Nýsköpunarnet Vesturlands

Deila:

Facebook
Twitter
LinkedIn

Tengdar fréttir

atvinnumál kvenna

Umsóknarfrestur fyrir styrki til Atvinnumála kvenna

Vinnumálastofnun/félags-og vinnumarkaðsráðuneytið auglýsir styrki til atvinnumála kvenna árið 2024 lausa til umsóknar Heildarfjárhæð styrkja að þessu sinni eru kr. 40.000.000 og er hámarksstyrkur kr. 4.000.000.

Umsóknir í Hönnunarsjóð 2024

Hönnunarsjóður veitir styrki til margvíslegra verkefna á sviði hönnunar og arkitektúrs: þróunar og rannsókna, verkefna og markaðsstarfs auk ferðastyrkja. Hlutverk Hönnunarsjóðs er að efla þekkingu,

Lokaviðburður Vesturbrúar 2024

Á fimmtudaginn síðastliðinn var Lokaviðburður Vesturbrúar haldinnn í Hjálmakletti, Borgarnesi. Um 70 manns sátu í salnum og hlýddu á þegar 8 frumkvöðlateymi Vesturbrúar stigu á

Fyrstu lotu Vesturbrúar lokið

Nú er fyrstu lotu Vesturbrúar lokið framundan er jólafrí hjá hópnum. Fyrsta lotan stóð frá 27. nóvember til 7. desember og hittist hópurinn í heildina