Mennta- og menningarsvið Rannís sækir Vesturland heim, dagana 16. – 17. september og Vesturbyggð, 23. september, til að kynna ýmis tækifæri og styrki sem bjóðast í alþjóðasamstarfi.
Markmiðið er að kynna tækifæri sem bjóðast innan evrópskra og norrænna styrkjaáætlana:
- Erasmus+, áætun ESB fyrir öll skólastig, æskulýðsmál og íþróttir
- Creative Europe, kvikmynda- og menningaráætlun ESB
- Nordplus, menntaáætlun Norrænu ráðherranefndarinnar
- Uppbyggingarsjóð EES
Rannís hvetur sveitarfélög, skóla, fræðsluaðila, menningarstofnanir, æskulýðsgeirann, íþróttafélög, fyrirtæki, ungt fólk og öll sem áhuga hafa á alþjóðasamstarfi að nýta tækifærið og mæta. Starfsfólk okkar verður svo til taks eftir kynningarnar fyrir þau sem vilja ræða möguleikana í norrænu og evrópsku samstarfi nánar.
Vesturland
16. september
- Kl. 12:00 – 13:15 – Opinn kynningarfundur í Þjóðgarðsmiðstöðinni á Hellissandi. Súpa í boði.
- Kl. 16:30 – 18:00 – Opinn kynningarfundur í Amtbókasafninu, Stykkishólmi. Kaffi og með því.
17. september
- Kl. 12:00 – 13:15 – Opinn kynningarfundur í Borgarnesi. Símenntunarmiðstöðvar Vesturlands Bjarnabraut 8. Léttar hádegisveitingar.
Vesturbyggð
23. september
- Kl. 12:00 – 13:00 – Opinn kynningarfundur á Bíldudal, á Vegamótum. Súpa í boði.
- Kl. 16:30 – 18:00 – Opinn kynningarfundur í Félagsheimilinu á Patreksfirði. Kaffi og með því.
Starfsfólk Rannís mun einnig heimsækja skóla og fleiri stofnanir í ferðum sínum.
Þessar ferðir eru skipulagðar í samstarfi við SSV – Samtök sveitarfélaga á Vesturlandi og sveitarfélagið Vesturbyggð .
Vinsamlegast sendið fyrirspurnir um fundinn til Evu Einarsdóttur kynningarfulltrúa: eva.einarsdottir@rannis.is, sími: 691 3351.
